February 17, 2006 Episode (Etheria)

Ang Pagwawakas

Nagtagumpay ang apat na sanggre na iligtas si Cassandra na dati'y naikulong ni Animus sa ginintuang orasan. Tuluyan namang nagbago ang anyo ni Hagorn, naging puot at galit ang laman ng kanyang puso at ang tanging hangarin ay makaganti kay Raquim. Nagkatapat naman ang apat na sanggre at si Reyna Avria kasama ang kanilang Bathalumang Ether. Sa pagnanais na tumulong nila Banak at Nakba sa mga sanggre sila ay naisumpa ni Ether, kaya sila naging pandak at kalahi na ng mga adamyan. Hindi naman nagtagumpay si Avria at Ether sa mga Sanggre. Winasak ng mga sanggre ang ginintuang orasan na siyang naging dahilan ng pagkamatay at paglaho ni Bathalumang Ether at siya ring dahilan upang mawalan ng kapangyarihan ang mga Etherian. Nagtagumpay ang mga sanggre sa kanilang misyon sa Etheria dahilan upang bumalik na sa Encantadia. Ngunit ano ang mangyayari kay Odessa na nabuntis ni Ybrahim? Samantala, hindi inaasahan ng mga sanggre at ni Ybrahim na kanilang makikita si Animus sa Encatadia (ito'y dahil si Animus ang inatasan ni Ether na maglakbay patungo sa kinabukasan upang protektahan ang ginintuang orasan). Hindi naman natagumpay si Animus na patayin ang mga Sanggre. Napatay siya ni Ybrahim. Dito rin nagulat ang mga sanggre dahil meron pa lang kapangyarihan si Cassandra na anak ni Lira.Natapos na ang Misyon nila sa Etheria at panahon na upang magsimula muli. Ngunit ito na nga ba talaga ang simula ng kapayapaan sa Encantadia???? Abangan sa ENCANTADIA ... PAG IBIG HANGGANG WAKAS

================= WAKAS NG ETHERIA=================

February 16, 2006 Episode (Etheria)

Heran Laban Sa Mga Sanggre

Habang nagaganap ang laban ng mga Etherian sa mga Diwata, Sapirian at Diwata ay umalis ang apat na sanggre patungo sa Etheria upang kunin ang Ginintuang Orasan. Napigilan naman sila ng mga tagapagbantay ng Orasan na sila Juvilla, Odessa, Andora at nang isang taksil na Sapirian. Nagwagi ang mga Etherian sa unang laban kaya naman nakabalik kaagad ang mga tagapagbantay. Naglaban ang mga sanggre at Heran. Nagwagi ang mga Heran at pinagsama sama nila ang kanilang mga kapangyarihan at ikinulong ang mga sanggre sa isang bilogan na liwanag na likha ng mga kapangyarihan ng mga heran na siyang unti unting magpapahina sa mga sanggre hanggang sa mga ito'y mamatay. Sabay naman nito ang araw na pinagkaloob ni Bathala sa mga Diwata, Sapirian, Hathor at Adamyan ang Mahiwagang Brilyante. Dahil dito ay nagnumbalik ang lakas ng mga sanggre at bumalik na ang kanilang mga kapangyarihan na siyang naging dahilan upang matalo ang mga heran at mabawi ang Orasan. Nabigla ang mga Heran sa kakaibang lakas ng mga sanggre kaya nagpasya sila na umurong sa laban. Samatala, pinagtangkaang patayin ni Asval ang Mag-ina ni haring Meno ngunit hindi ito nagtagumpay dahil dumating si Raquim at kasunod nito si Haring Meno na pinatay niya ngunit buhay pa pala (nalimutan na yata ni Asval na maykapangyarihan silang mga sapirian na magpagaling ng anumang sugat o karamdaman heheheh). Kaya naman tumakas si Asval gamit ang kapangyarihang ipinagkaloob sa kanya ni Avria (kapangyarihang maglaho). Napadpad si Asval sa isang lugar kung saan naroroon si Ybrahim/Alexus na minsan ay kanyang pinagtangkaang patayin. Kaya naman naglaban sila ngunit muling nakatakas si Asval. Nagpasya naman ang mga kawal ng Etherian at si Alexus/Ybrahim na sumugod sa Sapiro. Magwagi kaya sila gayung may Brilyante nang hawak hawak ang mga Sapirian, Adamyan, Diwata at Hathoria? Paano magnunumbalik ang isip ni Alexus na siya si Ybrahim na asawa ni Alena. Abangan...

February 15, 2006 TV Ratings

Ang Digma ng Etheria

Di napatay ni Raquim si Ybrahim/Alexus dahil kinikilala siya ng kalasag. Nagtungo naman si Pirena sa Hathoria at kanyang nakumbinsi ang mga ito na sumapi sa sapiro upang pagtulungang patumbahin ang mga Etherian, ngunit si Hagorn at ang kanyang Ama at hindi umanib dito. Pinatay naman ni Ora ang Ina ni Odessa dahil sa pagnanais na maging pinuno ng mga Hera Aega, dahil dito ay gumanti ni Odessa at si Ora ay napatay ni Ybrahim/Alexus. Malapit naman ng isilang ni Minea ang kanyang magiging anak na papangalanan niyang Pirena kasabay nito ang laban ng mga Etherian sa nagkampi kamping Diwata, Sapirian at Hathoria. Magwagi kaya ang tatlong kaharian sa laban na ito? Abangan...

February 14, 2006 Episode (Etheria)

Kalasag

Tuluyan nang nasira ang pagkakaibigan nila Raquim at Hagorn dahil sa pag-ibig nila kay Minea. Nangbunga ang pagmamahalan nila Minea at Hagorn na nag-anyong Raquim. Hindi naman matanggap ni Hagorn ang ginawa sa kanya ni Raquim at hinding hindi niya matanggap ang anak niya kay Minea na nasa sinapupunan pa lamang, dahil ayun sa kanya ito ay bunga ng pagtataksil (na siyang tunay). Dahil din sa nangyaring ito sinumpa ni Raquim ang puno na akala niya'y siyang magiging saksi sa pagmamahalan nila ni Minea. Sinumpa niya ito na hindi na magbubunga ng makukulay na dahon kailan man at magiging daan patungo sa ibang mundo, ito ang puno ng Asnamon. Nailigtas naman ni Danaya si Aquil at Cassiopeia sa mga heran gamit ang sentro na kanyang ibinigay kay cassiopeia na siya ring hihirangin unang reyna ng Lireo. Nagdesisyon naman ang mga Etherian lalo na si Avria na lusubin ang Sapiro dahil ang buong akala nila ay kakampi sa kanila at Hathoria, magbago kaya ang desisyon ng mga hatoria at ito bumalik at kumampi sa mga sapirian? Nagkaharap naman si Alecxus / Ybrahim at Raquim na gamit gamit ang kalasag. Hindi siya natablan ng sandata ni Alexus. Ano ang mangyayari sa laban na ito? Magtagumpay kaya ang mga Etherian sa paglusob sa Sapiro? Abangan...

February 13, 2006 Episode (Etheria)

Nagpakamatay si Minea sapagkat hindi niya matanggap na nakipagtalik siya kay Hagorn na nag-anyong bilang Raquim. Kaya sinisisi niya ang kanyang sarili sa pangyayari. Dahil dito ay naglaban sila Hagorn at Raquim ngunit napahinto sila nang magpakamatay si Minea. Tuluyan na kayang mawalan ng buhay si Minea? O magamot pa rin siya ni Raquim?
Sa kabilang banda, humarap si Cassiopeia sa tatlong heran na sila Hera Odessa, Hera Andora at Hera Juvilla kasama ang sapirian na si Alexus. Sinabi ni Cassiopeia kay Alexus na siya ay hindi tunay na kaanib ng mga Etherian, na siya ay nasa ilalim ng kapangyarihan ni Odessa, at kung kanyang nanaisin ay babalik ang kanyang alaala at mawawalan ng bisa ang kapangyarihan ni Odessa, ngunit nahinto si Cassiopeia ng siya ay gamitan ng kapangyarihan ni Andora. Sakto namang dumating si Danaya, mailigtas kaya niya si Cassiopeia? Ano ang mangyayari sa mga sanggre kung tuluyang mamatay si Minea? Abangan...

February 10, 2006 Episode (Etheria)

Ang Pagkukunwari

Nagkita sila Alena at Ybrahim / Alexus sa talon, pinagtangkaang patayin ni Ybrahim si Alena ngunit hindi niya ito magawa, marahil siya ay naguguluhan kung bakit sinasabi ni Alena na siya ang kanyang asawa. Dumating naman si Odessa at nakita niya si Ybrahim, nakatakas si Alena at bumalik na sa Sapiro. Humanga naman si Haring Meno ng Sapiro kay Raquim sa pagsunod nito sa kanyang puso sa ginawa nitong paglalayo kay Minea upang hindi ito maagaw sa kanya ni Hagorn, na di naman sinang-ayunan ni Asval sapagkat maaaring sumapi sa Etherian ang mga Hathorian dahil di nasunod ang kanilang pinagkasunduan na sasapi ang mga Hathor sa Sapiro kung ibibigay lamang ni Raquim si Minea kay Hagorn. Naghihinagpis naman si Hagorn sa ginawa ni Raquim, ngunit tinulungan siya ni Pirena at pinagkalooban siya ng kapangyarihang makapag-iba ng anyo, at upang gayahin ang anyo ni Raquim. Ano ang susunod na mangyayari? Abangan...

February 10, 2006 Episode (Etheria)

Isang Pagtataksil

Namatay na nga ng tuluyan si Animus na kapatid ni Andora, tinwag ni Avria si Bathalumang Ether upang humingi ng tulong at muling buhayin si Animus, ngunit ayon kay Ether si Animus at naglakbay kasama ang ginintuang orasan patungo sa kasalukuyan. Galit na galit naman si Andora kay Alena dahil sa pagkamatay ni Animus. Samantala sa sapiro, tumakas sila Minea at Raquim upang magtanan at ng hindi ito maibigay kay Hagorn. Ano ang gagawing hakbang ni Hagorn upang mabawi si Minea? Paano ipapanganak si Pirena kung hindi pa nag iibigin si Minea at Hagorn? Abangan...